Land: Europäische Union
Sprache: Isländisch
Quelle: EMA (European Medicines Agency)
tadalafil
Mylan Pharmaceuticals Limited
G04BE08
tadalafil
Þvaglát
Ristruflanir
Meðferð við ristruflunum hjá fullorðnum körlum. Til þess að tadalafil sé skilvirk, þarf kynlíf örvun. Tadalafil Mylan er ekki ætlað að nota af konum.
Revision: 15
Leyfilegt
2014-11-21
64 B. FYLGISEÐILL 65 Fylgiseðill: Upplýsingar fyrir sjúkling Tadalafil Mylan 2,5 mg filmuhúðaðar töflur tadalafil Lesið allan fylgiseðilinn vandlega áður en byrjað er að taka lyfið. Í honum eru mikilvægar upplýsingar. - Geymið fylgiseðilinn. Nauðsynlegt getur verið að lesa hann síðar. - Leitið til læknisins eða lyfjafræðings ef þörf er á frekari upplýsingum. - Þessu lyfi hefur verið ávísað til persónulegra nota. Ekki má gefa það öðrum. Það getur valdið þeim skaða, jafnvel þótt um sömu sjúkdómseinkenni sé að ræða. - Látið lækninn eða lyfjafræðing vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í fylgiseðlinum eru eftirfarandi kaflar: 1. Upplýsingar um Tadalafil Mylan og við hverju það er notað 2. Áður en byrjað er að nota Tadalafil Mylan 3. Hvernig nota á Tadalafil Mylan 4. Hugsanlegar aukaverkanir 5. Hvernig geyma á Tadalafil Mylan 6. Pakkningar og aðrar upplýsingar 1. Upplýsingar um Tadalafil Mylan og við hverju það er notað Tadalafil Mylan er meðferð fyrir fullorðna karla með stinningarvandamál. Það er þegar karlar geta ekki náð, eða haldið stinningu sem dugir til að geta stundað kynlíf. Sýnt hefur verið fram á að tadalafil bætir verulega getu til stinningar sem dugir til að geta stundað kynlíf. Tadalafil Mylan inniheldur virka efnið tadalafil, sem tilheyrir flokki lyfja sem eru kölluð fosfódíesterasahemlar af gerð 5. Við kynferðislega örvun eftir inntöku Tadalafil Mylan stuðlar lyfið að æðaslökun í getnaðarlimnum, sem veldur blóðflæði inn í liminn. Það leiðir til bættrar stinningar. Tadalafil Mylan hefur engin áhrif ef þú ert ekki með stinningarvandamál. Athugið að tadalafil verkar ekki án kynferðislegrar örvunar. Forleikur er nauðsynlegur, rétt eins og ef þú tækir ekki lyf við stinningarvandamáli. 2. Áður en byrjað er að nota Tadalafil Mylan Ekki má nota Tadalafil Mylan ef þú: Lesen Sie das vollständige Dokument
1 VIÐAUKI I SAMANTEKT Á EIGINLEIKUM LYFS 2 1. HEITI LYFS Tadalafil Mylan 2,5 mg filmuhúðaðar töflur 2. VIRK INNIHALDSEFNI OG STYRKLEIKAR Hver tafla inniheldur 2,5 mg tadalafil. Hjálparefni með þekkta verkun: Hver filmuhúðuð tafla inniheldur 29,74 mg af laktósa. Sjá lista yfir öll hjálparefni í kafla 6.1. 3. LYFJAFORM Filmuhúðuð tafla (tafla). Ljósgul, filmuhúðuð, kringlótt, tvíkúpt tafla (5,1 ± 0,3 mm), merkt með „M“ á annarri hliðinni og „TL“ yfir „1“ á hinni hliðinni. 4. KLÍNÍSKAR UPPLÝSINGAR 4.1 Ábendingar Til meðferðar við ristruflunum hjá fullorðnum körlum. Til þess að tadalafil verki þarf kynferðisleg örvun að koma til. Tadalafil Mylan er ekki ætlað konum. 4.2 Skammtar og lyfjagjöf Skammtar Fullorðnir karlar Ráðlagður skammtur er venjulega 10 mg sem tekinn er fyrir væntanlegar samfarir með eða án matar. Þeir sjúklingar sem ekki fá viðunandi verkun af tadalafil 10 mg geta reynt að taka 20 mg. Taka skal lyfið minnst 30 mínútum fyrir samfarir. Hámarksskammtur er einu sinni á sólarhring. Tadalafil 10 mg og 20 mg er ætlað til notkunar fyrir væntanlegar samfarir og er ekki ráðlagt til samfelldrar daglegar notkunar. Hjá sjúklingum sem gera ráð fyrir tíðri notkun á tadalafili (þ.e. a.m.k. tvisvar í viku), skal íhuga hvort skömmtun einu sinni á dag með lægsta skammti af tadalafili gæti verið hentugri, byggt á vali sjúklingsins og mati læknisins. Hjá þessum sjúklingum er ráðlagður skammtur 5 mg einu sinni á dag á u.þ.b. sama tíma dags. Skammtinn má lækka í 2,5 mg einu sinni á dag byggt á einstaklingsbundnu þoli. 3 Endurmeta skal reglulega hvort þessi skömmtun einu sinni á dag sé viðeigandi. Sérstakir sjúklingahópar Aldraðir karlar Ekki er þörf á skammtabreytingum fyrir aldraða sjúklinga. Karlar með skerta nýrnastarfsemi Ekki er þörf á skammtabreytingu fyrir sjúklinga með væga til miðlungs skerta nýrnastarfsemi. Ráðlagður hámarksskammtur fyrir sjúklinga með alvarlega Lesen Sie das vollständige Dokument