Country: Unjoni Ewropea
Lingwa: Malti
Sors: EMA (European Medicines Agency)
sufentanil citrate
Laboratoire Aguettant
N01AH03
sufentanil
Anestetiċi
Uġigħ
Dzuveo is indicated for the management of acute moderate to severe pain in adult patients.
Revision: 6
Awtorizzat
2018-06-25
27 B. FULJETT TA’ TAGĦRIF 28 FULJETT TA’ TAGĦRIF: INFORMAZZJONI GĦALL-UTENT DZUVEO PILLOLA TA’ 30 MIKROGRAMMA GĦAL TAĦT L-ILSIEN sufentanil AQRA SEW DAN IL-FULJETT KOLLU QABEL TIBDA TUŻA DIN IL-MEDIĊINA PERESS LI FIH INFORMAZZJONI IMPORTANTI GĦALIK. - Żomm dan il-fuljett. Jista’ jkollok bżonn terġa’ taqrah. - Jekk ikollok aktar mistoqsijiet, staqsi lit-tabib jew lill-ispiżjar tiegħek. - Jekk ikollok xi effetti sekondarji, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4. F’DAN IL-FULJETT 1. X’inhu Dzuveo u għal xiex jintuża 2. X’għandek tkun taf qabel ma tuża Dzuveo 3. Kif għandek tuża Dzuveo 4. Effetti sekondarji possibbli 5. Kif taħżen Dzuveo 6. Kontenut tal-pakkett u informazzjoni oħra 1. X’INHU DZUVEO U GĦAL XIEX JINTUŻA Is-sustanza attiva ta’ Dzuveo hija sufentanil, li tappartjeni għal grupp ta’ mediċini qawwijin li jserrħu mill-uġigħ jisimhom opjojdi. Sufentanil jintuża biex jittratta uġigħ għal għarrieda moderat sa sever fl-adulti f’ambjenti mediċi mmonitorjati bħal sptar. 2. X’GĦANDEK TKUN TAF QABEL MA TUŻA DZUVEO TUŻAX DZUVEO: - jekk inti allerġiku għal sufentanil jew għal xi sustanza oħra ta’ din il-mediċina (imniżżla fis- sezzjoni 6). - Jekk għandek problema serja bil-pulmun jew bin-nifs. TWISSIJIET U PREKAWZJONIJIET Kellem lit-tabib jew l-infermier tiegħek qabel ma tuża Dzuveo. Kellem lit-tabib jew l-infermier tiegħek qabel il-kura jekk inti: - Qed tbati minn kwalunkwe kundizzjoni li taffettwa lin-nifs tiegħek (bħal ażma, tħarħir jew qtugħ ta’ nifs). Minħabba li Dzuveo jista’ jaffettwa lin-nifs tiegħek, it-tabib jew l-infermier tiegħek ser jiċċekkja n-nifs tiegħek waqt il-kura; - Għandek korriment fir-ras jew tumur tal-moħħ; - Għandek problemi b’qalbek u ċ-ċirkolazzjoni, b’mod speċjali qalb li tħabbat bil-mod, taħbit tal- qalb irregolari, volum tad-demm baxx jew pressjoni baxxa; - Għand Aqra d-dokument sħiħ
1 ANNESS I SOMMARJU TAL-KARATTERISTIĊI TAL-PRODOTT 2 1. ISEM IL-PRODOTT MEDIĊINALI Dzuveo pillola ta’ 30 mikrogramma għal taħt l-ilsien 2. GĦAMLA KWALITATTIVA U KWANTITATTIVA Kull pillola għal taħt l-ilsien fiha 30 mikrogramma ta’ sufentanil (bħala ċitrat). Għal-lista sħiħa ta’ eċċipjenti, ara sezzjoni 6.1. 3. GĦAMLA FARMAĊEWTIKA Pillola għal taħt l-ilsien. Pillola ta’ lewn blu b’dijametru ta’ 3 mm bil-wiċċ ċatt u t-truf jagħtu għat-tond. 4. TAGĦRIF KLINIKU 4.1 INDIKAZZJONIJIET TERAPEWTIĊI Dzuveo huwa indikat għall-ġestjoni ta’ uġigħ akut minn moderat sa sever f’pazjenti adulti. 4.2 POŻOLOĠIJA U METODU TA’ KIF GĦANDU JINGĦATA Dzuveo għandu jingħata biss minn professjonist tal-kura tas-saħħa f’ambjent mediku kkontrollat. Ambjent mediku kkontrollat għandu jkollu tagħmir u persunal imħarreġ disponibbli biex jidentifika u jġestixxi l-ipoventilazzjoni, u ossiġnu supplimentari u antagonisti opjojdi, bħal pereżempju naloxene. Dzuveo għandu jingħata b’riċetta biss minn professjonisti tal-kura tas-saħħa li għandhom esperjenza fil-ġestjoni ta’ terapija opjojda; b’mod partikolari fir-reazzjonijiet avversi għall-opjojdi, bħal depressjoni respiratorja (ara sezzjoni 4.4). Pożoloġija Dzuveo jiġi f’applikatur ta’ doża waħda li jintuża darba biss, u jingħata minn professjonist tal-kura tas- saħħa skont il-bżonn tal-pazjent individwali, iżda mhux aktar spiss minn darba f’siegħa, li jirriżulta f’doża massima ta’ 720 mikrogramma kuljum. Il-pazjenti b’intensità ta’ uġigħ ogħla siegħa wara li nbdiet il-kura b’sufentanil kienu jeħtieġu doża oħra aktar spiss mill-pazjenti b’punteġġi aktar baxxi ta’ intensità ta’ uġigħ wara siegħa. Dzuveo ma għandux jintuża għal aktar minn 48 siegħa. _Anzjani_ L-ebda aġġustament fid-doża mhu meħtieġ f’pazjenti anzjani. Madankollu, il-pazjenti anzjani għandhom jiġu osservati mill-qrib għal reazzjonijiet avversi ta’ sufentanil (ara sezzjoni 5.2). _Indeboliment t Aqra d-dokument sħiħ