Country: Unjoni Ewropea
Lingwa: Malti
Sors: EMA (European Medicines Agency)
mycophenolate mofetil
Roche Registration GmbH
L04AA06
mycophenolate mofetil
Immunosoppressanti
Rifjut ta 'Graft
CellCept huwa indikat flimkien ma 'ciclosporin u kortikosterojdi għall-profilassi ta' rifjut akut ta 'trapjant f'pazjenti li qed jirċievu trapjanti alloġeniċi renali, tal-qalb jew tal-fwied.
Revision: 38
Awtorizzat
1996-02-14
109 B. FULJETT TA’ TAGĦRIF 110 FULJETT TA’ TAGĦRIF: INFORMAZZJONI GĦALL-PAZJENT KAPSULI IBSIN CELLCEPT 250 MG mycophenolate mofetil AQRA SEW DAN IL-FULJETT KOLLU QABEL TIBDA TIEĦU DIN IL-MEDIĊINA PERESS LI FIH INFORMAZZJONI IMPORTANTI GĦALIK . • Żomm dan il-fuljett. Jista’ jkollok bżonn terġa’ taqrah. • Jekk ikollok aktar mistoqsijiet, staqsi lit-tabib jew lill-ispiżjar tiegħek. • Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek. • Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4. F’DAN IL-FULJETT 1. X’inhu CellCept u għalxiex jintuża 2. X’għandek tkun taf qabel ma tieħu CellCept 3. Kif għandek tieħu CellCept 4. Effetti sekondarji possibbli 5. Kif taħżen CellCept 6. Kontenut tal-pakkett u informazzjoni oħra 1. X’INHU CELLCEPT U GĦALXIEX JINTUŻA CellCept fih mycophenolate mofetil. • Dan jagħmel parti minn grupp ta’ mediċini msejħa “immunosoppressanti”. CellCept jintuża biex ma jħallix lill-ġisem tiegħek jiċħad organu trapjantat. • Kilwa, qalb jew fwied. CellCept għandu jintuża flimkien ma’ mediċini oħra: • Ciclosporin u kortikosterojdi. 2. X’GĦANDEK TKUN TAF QABEL MA TIEĦU CELLCEPT TWISSIJA Mycophenolate jikkawża difetti tat-twelid u korriment. Jekk inti mara li tista’ toħroġ tqila, għandek tipprovdi test tat-tqala negattiv qabel tibda t-trattament u għandek issegwi l-pariri dwar kontraċezzjoni mogħtija lilek mit-tabib tiegħek. It-tabib tiegħek se jkellmek u jagħtik informazzjoni bil-miktub, b’mod partikolari dwar l-effetti ta’ mycophenolate fuq trabi mhux imwielda. Aqra l-informazzjoni b’attenzjoni u segwi l-istruzzjonijiet. Jekk ma tifhemx dawn l-istruzzjonijiet b’mod sħiħ, jekk jogħġbok staqsi lit-tabib tiegħek biex jerġa’ jispjegahom qabel ma tieħ Aqra d-dokument sħiħ
1 ANNESS I SOMMARJU TAL-KARATTERISTIĊI TAL-PRODOTT 2 1. ISEM IL-PRODOTT MEDIĊINALI CellCept 250 mg kapsuli ibsin 2. GĦAMLA KWALITATTIVA U KWANTITATTIVA Kull kapsula fiha 250 mg mycophenolate mofetil. Għal-lista sħiħa ta’ eċċipjenti, ara sezzjoni 6.1. 3. GĦAMLA FARMAĊEWTIKA Kapsuli, ibsin (kapsuli) Oblung, blu/kannella, ittimbrati bl-iswed b’“CellCept 250” fuq l-għatu tal-kapsula u “Roche” fuq il- parti l-oħra. 4. TAGĦRIF KLINIKU 4.1 INDIKAZZJONIJIET TERAPEWTIĊI CellCept huwa indikat f’kombinazzjoni ma’ ciclosporin u kortikosterojdi għall-profilassi ta’ tiċħid akut tat-trapjant f’pazjenti li rċevew trapjant alloġeniku tal-kliewi, tal-qalb, jew tal-fwied. 4.2 POŻOLOĠIJA U METODU TA’ KIF GĦANDU JINGĦATA It-trattament għandu jinbeda u jitkompla minn speċjalisti tat-trapjanti bi kwalifikazzjoni xierqa. Pożoloġija _Użu fi trapjanti tal-kliewi _ _Adulti _ It-trattament għandu jinbeda fi żmien 72 siegħa wara li jkun sar it-trapjant. Id-doża rakkomandata f’pazjenti bi trapjant tal-kliewi hija ta’ 1 g mogħtija darbtejn kuljum (doża ta’ 2 g kuljum). _Popolazzjoni pedjatrika b’età minn 2 sa 18-il sena _ Id-doża rakkomandata ta’ mycophenolate mofetil hija ta’ 600 mg/m 2 mogħtija mill-ħalq darbtejn kuljum (sa massimu ta’ 2 g kuljum). Il-kapsuli għandhom jiġu preskritti biss lill-pazjenti li ġisimhom huwa ta’ erja ta’ mill-inqas 1.25 m 2 . Pazjenti li ġisimhom huwa ta’ erja ta’ bejn 1.25 u 1.5 m 2 jistgħu jiġu preskritti kapsuli ta’ mycophenolate mofetil f’doża ta’ 750 mg darbtejn kuljum (doża ta’ 1.5 g kuljum). Pazjenti li ġisimhom huwa ta’ erja ta’ aktar minn 1.5 m 2 jistgħu jiġu preskritti kapsuli ta’ mycophenolate mofetil f’doża ta’ 1 g darbtejn kuljum (doża ta’ 2 g kuljum). Peress li xi reazzjonijiet avversi jseħħu b’aktar frekwenza f’pazjenti ta’ din l-età (ara sezzjoni 4.8) meta mqabbla ma’ adulti, jista’ jkun hemm bżonn li jew titwaqqaf il-mediċina għal ftit żmien jew titnaqqas id-doża; da Aqra d-dokument sħiħ