Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Aciclovirum INN
Haleon Denmark ApS
D06BB03
Aciclovirum
50 mg/g
Krem
(L R) Ekki lyfseðilsskylt/ lyfseðilsskylt
560367 Túpa Áltúpa
Markaðsleyfi útgefið
1988-01-01
FYLGISEÐILL: UPPLÝSINGAR FYRIR NOTANDA LYFSINS ZOVIR 50 MG/G KREM aciclovir LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ. Í HONUM ERU MIKILVÆGAR UPPLÝSINGAR. Alltaf skal nota lyfið nákvæmlega eins og lýst er í þessum fylgiseðli eða eins og læknirinn eða lyfjafræðingur hefur mælt fyrir um. - Geymið fylgiseðilinn. Nauðsynlegt getur verið að lesa hann síðar. - Leitið til lyfjafræðings ef þörf er á frekari upplýsingum eða ráðgjöf. - Látið lækninn eða lyfjafræðing vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. - Leitið til læknis ef sjúkdómseinkenni versna eða lagast ekki innan 10 daga. Í FYLGISEÐLINUM ERU EFTIRFARANDI KAFLAR : 1. Upplýsingar um Zovir og við hverju það er notað 2. Áður en byrjað er að nota Zovir 3. Hvernig nota á Zovir 4. Hugsanlegar aukaverkanir 5. Hvernig geyma á Zovir 6. Pakkningar og aðrar upplýsingar 1. UPPLÝSINGAR UM ZOVIR OG VIÐ HVERJU ÞAÐ ER NOTAÐ Zovir er ætlað til notkunar við áblæstri (herpes), það hefur hemjandi verkun á herpesveiru. Zovir má nota á áblástur á vörum og í andliti. Verið getur að læknir hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð. Leitið til læknis ef sjúkdómseinkenni versna eða lagast ekki innan 10 daga. 2. ÁÐUR EN BYRJAÐ ER AÐ NOTA ZOVIR Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð. EKKI MÁ NOTA ZOVIR: - ef um er að ræða ofnæmi fyrir acicloviri, skylda efninu valacicloviri, própýlenglýkóli eða einhverju öðru innihaldsefni lyfsins (talin upp í kafla 6). VARNAÐARORÐ OG VARÚÐARREGLUR Leitið ráða hjá lækninum eða lyfjafræð Lestu allt skjalið
1 SAMANTEKT Á EIGINLEIKUM LYFS 1. HEITI LYFS Zovir 50 mg/g krem 2. INNIHALDSLÝSING Aciclovir 50 mg/g. Hjálparefni með þekkta verkun Própýlenglýkól 400 mg/g, natríumlárýlsúlfat 7,5 mg/g og cetosterylalkóhól 67,5 mg/g. Sjá lista yfir öll hjálparefni í kafla 6.1. 3. LYFJAFORM Krem. 4. KLÍNÍSKAR UPPLÝSINGAR 4.1 ÁBENDINGAR Zovir krem er ætlað til meðferðar á _Herpes simplex_ sýkingum á vörum og í andliti (endurtekinn áblástur (herpes labialis)). 4.2 SKAMMTAR OG LYFJAGJÖF Skammtar _Fullorðnir og börn eldri en 2 ára:_ Zovir krem á að nota fimm sinnum á dag með u.þ.b. 4 klst. millibili, en ekki að nóttu til. Meðferð á að halda áfram í a.m.k. 4 daga. Ef það dugir ekki má halda meðferð áfram í allt að 10 daga. Ef sárin hafa ekki gróið eftir 10 daga á að ráðleggja sjúklingnum að hafa samband við lækni. _Skert nýrna-/lifrarstarfsemi_ Jafnvel þótt brotthvarf sé aðallega um nýru er altækt frásog aciclovirs eftir útvortis notkun óverulegt. Því þarf ekki að aðlaga skammta hjá sjúklingum með skerta nýrna- eða lifrarstarfsemi (sjá kafla 5.2). Lyfjagjöf Berist á sýkt svæði eins fljótt og hægt er, helst um leið og fyrstu merki eru um áblástur en einnig má hefja meðferðina þegar blöðrur koma fram. Ráðlagt er að þvo hendur fyrir og eftir notkun kremsins og forðast á að nudda sárin eða þurrka með handklæði, til þess að koma í veg fyrir að sýkingin ágerist og til að koma í veg fyrir smit. 4.3 FRÁBENDINGAR Ofnæmi fyrir acicloviri, valacicloviri, propylenglýkóli eða einhverju hjálparefnanna sem talin eru upp í kafla 6.1. 4.4 SÉRSTÖK VARNAÐARORÐ OG VARÚÐARREGLUR VIÐ NOTKUN Zovir krem má ekki nota á slímhúð (t.d. í munni, augum og leggöngum) þar sem það getur valdið ertingu. Sérstaklega á að varast að lyfið berist í augu. Hjá alvarlega ónæmisbældum sjúklingum (t.d. 2 sjúklingar með alnæmi eða sjúklingar sem hafa gengist undir mergskipti) á að vega og meta altæka meðferð Lestu allt skjalið