Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Solifenacinum súkkínat
Astellas Pharma A/S*
G04BD08
Solifenacinum
1 mg/ml
Mixtúra, dreifa
(R) Lyfseðilsskylt
087572 Glas Gulbrúnt polyethylenterephthalat (PET) glas með polyethylen (PE) skrúftappa með pappa og vínýlþéttingu
Markaðsleyfi útgefið
2015-09-15
1 FYLGISEÐILL: UPPLÝSINGAR FYRIR NOTANDA LYFSINS VESICARE 1 MG/ML MIXTÚRA, DREIFA solifenacinsúccínat LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ TAKA LYFIÐ. Í HONUM ERU MIKILVÆGAR UPPLÝSINGAR. - Geymið fylgiseðilinn. Nauðsynlegt getur verið að lesa hann síðar. - Leitið til læknisins eða lyfjafræðings ef þörf er á frekari upplýsingum. - Þessu lyfi hefur verið ávísað til persónulegra nota. Ekki má gefa það öðrum. Það getur valdið þeim skaða, jafnvel þótt um sömu sjúkdómseinkenni sé að ræða. - Látið lækninn eða lyfjafræðing vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í FYLGISEÐLINUM ERU EFTIRFARANDI KAFLAR: 1. Upplýsingar um Vesicare og við hverju það er notað 2. Áður en byrjað er að nota Vesicare 3. Hvernig nota á Vesicare 4. Hugsanlegar aukaverkanir 5. Hvernig geyma á Vesicare 6. Pakkningar og aðrar upplýsingar 1. UPPLÝSINGAR UM VESICARE OG VIÐ HVERJU ÞAÐ ER NOTAÐ Virka efnið í Vesicare tilheyrir flokki lyfja sem nefnast andkólínvirk lyf. Þessi lyf eru notuð til að draga úr virkni ofvirkrar þvagblöðru, þannig að þvaglátaþörfin komi sjaldnar og verði minni. Blaðran á þá auðveldara með að halda þvagi. Vesicare er notað til: - meðferðar á einkennum ofvirkrar þvagblöðru hjá fullorðnum þ.e. við mikilli og bráðri þörf fyrir þvaglát án fyrirvara, tíðum þvaglátum og ósjálfráðum þvaglátum vegna skyndilegrar þarfar fyrir þvaglát. - meðferðar á einkennum ofvirkrar þvagblöðru vegna taugatruflana hjá börnum á aldrinum 2 ára til 18 ára. Ofvirk þvagblaðra vegna taugatruflana veldur ósjálfráðum samdráttum í þvagblöðru og er annaðhvort meðfædd eða vegna áverka á taugarnar sem stjórna þvagblöðrunni. Ef ofvirk þvagblaðra vegna taugatruflana er ekki meðhöndluð getur hún valdið skaða á þvagblöðru og/eða nýrum. Vesicare er notað til að auka magn þvags sem þv Lestu allt skjalið
1 SAMANTEKT Á EIGINLEIKUM LYFS 1. HEITI LYFS Vesicare 1 mg/ml mixtúra, dreifa 2. INNIHALDSLÝSING Vesicare mixtúra, dreifa inniheldur 1 mg/ml solifenacinsúccínat, sem jafngildir 0,75 mg/ml solifenacin. Hjálparefni með þekkta verkun: Bensósýra (E210) 0,015 mg/ml. Metýlparahýdroxýbensóat (E218) 1,6 mg/ml. Própýlenglýkól (E1520) 20 mg/ml. Própýlparahýdroxýbensóat (E216) 0,2 mg/ml. Lyfið inniheldur 48,4 mg af alkóhóli (etanóli) í hverjum 10 ml hámarksskammti. Etanól er í náttúrulega appelsínubragðefninu. Sjá lista yfir öll hjálparefni í kafla 6.1. 3. LYFJAFORM Mixtúra, dreifa Hvít til beinhvít vatnskennd, einsleit dreifa með appelsínubragði. 4. KLÍNÍSKAR UPPLÝSINGAR 4.1 ÁBENDINGAR _Ofvirk þvagblaðra hjá fullorðnum _ Vesicare mixtúra, dreifa er ætluð til meðferðar á einkennum bráðs þvagleka og/eða tíðum þvaglátum ásamt bráðri þvaglátaþörf, sem koma fram hjá sjúklingum með ofvirka þvagblöðru. _Ofvirk þvagblaðra vegna taugatruflana (neurogenic detrusor overactivity) _ Vesicare mixtúra, dreifa er ætluð til meðferðar gegn ofvirkri þvagblöðru vegna taugatruflana hjá börnum á aldrinum 2 til 18 ára. 4.2 SKAMMTAR OG LYFJAGJÖF Skammtar OFVIRK ÞVAGBLAÐRA Fullorðnir, þar með taldir aldraðir: Ráðlagður skammtur er 5 mg (5 ml) solifenacinsúccínat einu sinni á sólarhring. Ef þurfa þykir má auka skammt í 10 mg (10 ml) solifenacinsúccínat einu sinni á sólarhring. _Börn _ Ekki hefur verið sýnt fram á virkni Vesicare hjá börnum og unglingum með ofvirka þvagblöðru. Því á ekki að nota Vesicare til meðferðar gegn ofvirkri þvagblöðru hjá börnum og unglingum undir 18 ára aldri. Fyrirliggjandi upplýsingar eru tilgreindar í köflum 5.1 og 5.2. 2 OFVIRK ÞVAGBLAÐRA VEGNA TAUGATRUFLANA Börn (2 til 18 ára að aldri): Ráðlagður skammtur af Vesicare mixtúru, dreifu er ákvarðaður samkvæmt þyngd sjúklingsins. Hefja á meðferð með ráðlögðum upphafsskammti. Eftir það má auka skammtinn upp a Lestu allt skjalið