Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Fosphenytoinum dínatríum
Pfizer ApS
N03AB05
Fosphenytoinum
50 mg FE/ml
Stungulyf, lausn/innrennslisþykkni, lausn
(R) Lyfseðilsskylt
529735 Hettuglas
Markaðsleyfi útgefið
2000-05-11
1 FYLGISEÐILL: UPPLÝSINGAR FYRIR NOTANDA LYFSINS PRO-EPANUTIN 75 MG/ML STUNGULYF, LAUSN/INNRENNSLISÞYKKNI, LAUSN fosfenýtóíntvínatríum LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ . Í HONUM ERU MIKILVÆGAR UPPLÝSINGAR. • Geymið fylgiseðilinn. Nauðsynlegt getur verið að lesa hann síðar. • Leitið til læknisins, lyfjafræðings eða hjúkrunarfræðingsins ef þörf er á frekari upplýsingum. • Látið lækninn, lyfjafræðing eða hjúkrunarfræðinginn vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. • Vera má að þér hafi verið gefinn stakskammtur af Pro-Epanutin til að stöðva flogakast. Í slíkum tilvikum muntu aðeins geta lesið þennan fylgiseðil eftir að þér hefur verið gefið lyfið. Læknirinn mun hafa haft í huga mikilvægar varúðarráðstafanir sem eru taldar upp í þessum fylgiseðli, en þörfin fyrir bráðameðferð gæti hafa verið mikilvægari en sumar varúðarráðstafanirnar. Kynntu þér varúðarráðstafanirnar núna, einkum ef þú munt nota Pro-Epanutin áfram (eða annað form af fenýtóíni). Í FYLGISEÐLINUM ERU EFTIRFARANDI KAFLAR 1. Upplýsingar um Pro-Epanutin og við hverju það er notað 2. Áður en byrjað er að nota Pro-Epanutin 3. Hvernig nota á Pro-Epanutin 4. Hugsanlegar aukaverkanir 5. Hvernig geyma á Pro-Epanutin 6. Pakkningar og aðrar upplýsingar 1. UPPLÝSINGAR UM PRO-EPANUTIN OG VIÐ HVERJU ÞAÐ ER NOTAÐ Pro-Epanutin inniheldur virka efnið fosfenýtóíntvínatríum, sem tilheyrir flokki flogaveikilyfja, sem eru notuð til meðferðar við flogaveiki. Pro-Epanutin er notað hjá fullorðnum og börnum, 5 ára og eldri: • til meðferðar við alvarlegum flogaköstum eða krampaköstum (flogafári) sem teljast til þankippafloga (tonic-clonic eða grand mal flogaköst). • til meðferðar við eða til að koma í veg fyrir krampaköst meðan á heilaskurðaðgerð stendur eða eftir að henni er lokið og/eða Lestu allt skjalið
1 SAMANTEKT Á EIGINLEIKUM LYFS 1. HEITI LYFS Pro-Epanutin 75 mg/ml, stungulyf, lausn/innrennslisþykkni, lausn. 2. INNIHALDSLÝSING Fosfenýtóíntvínatríum er forlyf til gjafar utan meltingarvegar. Virkt umbrotsefni þess er fenýtóín. 1,5 mg af fosfenýtóíntvínatríum jafngildir 1 mg af fenýtóínnatríum og er skilgreint sem 1 mg fenýtóínnatríumjafngildi (phenytoin sodium equivalents, FE). Magn og styrkur fosfenýtóíns er alltaf tjáður sem mg FE. 1 ml af Pro-Epanutin inniheldur 75 mg fosfenýtóíntvínatríum (samsvarandi 50 mg fenýtóínnatríum) (sjá kafla 4.2). Pro-Epanutin er fáanlegt í 10 ml og 2 ml hettuglösum. Hvert 10 ml hettuglas inniheldur 500 mg FE. Hvert 2 ml hettuglas inniheldur 100 mg FE. Sjá lista yfir öll hjálparefni í kafla 6.1. 3. LYFJAFORM Stungulyf, lausn/innrennslisþykkni, lausn. Pro-Epanutin er tær, litlaus eða fölgulleit, sæfð lausn, sem blönduð er með trómetamól stuðpúða. pH er stillt með saltsýru að 8,6-9,0. 4. KLÍNÍSKAR UPPLÝSINGAR 4.1 ÁBENDINGAR Pro-Epanutin er notað handa fullorðnum og börnum 5 ára og eldri: - við flogafári (status epilepticus) af alfloga gerð (grand mal (tonic-clonic)) (sjá kafla 4.2). - til þess að koma í veg fyrir og til meðferðar við krömpum sem koma fram í tengslum við taugaskurðaðgerðir og/eða áverka á höfði. - í stað fenýtóíns til inntöku, þegar inntaka er ekki möguleg eða frábending. 4.2 SKAMMTAR OG LYFJAGJÖF ÁRÍÐANDI ATHUGASEMD: Í ÖLLUM UPPLÝSINGUM VARÐANDI PRO-EPANUTIN ER MAGN OG STYRKUR FOSFENÝTÓÍNS ALLTAF SKILGREINT SEM FENÝTÓÍNNATRÍUMJAFNGILDI (FE) TIL AÐ KOMAST HJÁ ÞVÍ AÐ NOTA SAMEINDAÞUNGA TIL GRUNDVALLAR ÞEGAR BREYTA Á SKÖMMTUM FOSFENÝTÓÍNS Í FENÝTÓÍNNATRÍUM. SKAMMTA PRO-EPANUTIN Á ALLTAF AÐ RITA SEM FENÝTÓÍNNATRÍUMJAFNGILDI (FE). HINS VEGAR ÞARF AÐ ATHUGA AÐ VERULEGUR MUNUR ER Á LYFJAGJÖF FOSFENÝTÓÍNS OG FENÝTÓÍNNATRÍUMS SEM GEFIÐ ER SEM STUNGULYF (SJÁ KAFLA 4.4). 2 FENÝTÓÍNNATRÍUMJAFNGILDI (FE) 1,5 mg fosfenýt Lestu allt skjalið