Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Methylprednisolonum acetat
Pfizer ApS
H02AB04
Methylprednisolonum
40 mg/ml
Stungulyf, dreifa
(R) Lyfseðilsskylt
141044 Áfyllt sprauta V0413; 189522 Hettuglas ; 189514 Hettuglas V0413; 189506 Hettuglas
Markaðsleyfi útgefið
1969-02-10
1 FYLGISEÐILL: UPPLÝSINGAR FYRIR NOTANDA LYFSINS DEPO-MEDROL 40 MG/ML STUNGULYF, DREIFA metylprednisolonacetat LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ. Í HONUM ERU MIKILVÆGAR UPPLÝSINGAR. Geymið fylgiseðilinn. Nauðsynlegt getur verið að lesa hann síðar. Leitið til læknisins, lyfjafræðings eða hjúkrunarfræðingsins ef þörf er á frekari upplýsingum. Þessu lyfi hefur verið ávísað til persónulegra nota. Ekki má gefa það öðrum. Það getur valdið þeim skaða, jafnvel þótt um sömu sjúkdómseinkenni sé að ræða. Látið lækninn, lyfjafræðing eða hjúkrunarfræðinginn vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í FYLGISEÐLINUM ERU EFTIRFARANDI KAFLAR : 1. Upplýsingar um Depo-Medrol og við hverju það er notað 2. Áður en byrjað er að nota Depo-Medrol 3. Hvernig nota á Depo-Medrol 4. Hugsanlegar aukaverkanir 5. Hvernig geyma á Depo-Medrol 6. Pakkningar og aðrar upplýsingar 1. UPPLÝSINGAR UM DEPO-MEDROL OG VIÐ HVERJU ÞAÐ ER NOTAÐ Depo-Medrol er samtengdur barksteri sem: Dregur úr einkennum bólgu og ertingu frá vefjum s.s. roða, kláða, þrota, eymslum, sársauka og hitatilfinningu. Minnkar ónæmissvörun líkamans. Kemur í veg fyrir eða dregur úr ofnæmi. Þú getur fengið Depo-Medrol við t.d. astma, alvarlegum ofnæmisnefbólgum, ákveðnum húðsjúkdómum og bólgu í einum eða fleiri liðum. Depo-Medrol hefur forðaverkun, það þýðir að verkunin er langvarandi. Þegar því er sprautað í lið dregur Depo-Medrol úr einkennum í 3-4 vikur . Depo-Medrol inndælingar eru yfirleitt framkvæmdar af lækni eða hjúkrunarfræðingi, sem hafa góða þekkingu á notkun lyfsins. 2. ÁÐUR EN BYRJAÐ ER AÐ NOTA DEPO-MEDROL Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og Lestu allt skjalið
1 SAMANTEKT Á EIGINLEIKUM LYFS 1. HEITI LYFS Depo-Medrol 40 mg/ml stungulyf, dreifa 2. INNIHALDSLÝSING Metýlprednisólonasetat, 40 mg/ml. Sjá lista yfir öll hjálparefni í kafla 6.1 3. LYFJAFORM Stungulyf, dreifa. Hvít dreifa. 4. KLÍNÍSKAR UPPLÝSINGAR 4.1 ÁBENDINGAR Ástand og sjúkdómar, þar sem þörf er fyrir notkun sykurstera. 4.2 SKAMMTAR OG LYFJAGJÖF Skömmtun lyfsins er einstaklingsbundin, háð eðli og alvarleika sjúkdómsins. ATHUGIÐ: Lyfið má ekki gefa í bláæð eða mænuvökva. STAÐBUNDIN MEÐFERÐ Við inndælingu í lið er mikilvægt að dæla lyfinu í liðvökvann (synovial space) og viðhafa á smitgát á sama hátt og við mænuástungu. Ástungustaður á sérhverjum lið ákvarðast af því hvar liðvökvarými (synovial cavity) er sem næst yfirborði og minnst er af stórum æðum og taugum. Liðagigt og slitgigt Skammtastærð fer eftir stærð liða og alvarleika ástandsins. Í langvinnum tilfellum er hægt að endurtaka inndælingu með 1-5 eða fleiri vikna millibili, eftir því hve mikið upphafleg inndæling slær á einkennin. Ekki má sprauta lyfinu í óstöðuga liði. Í einhverjum tilfellum getur endurtekin inndæling í liði valdið því að þeir verða óstöðugir. Leiðbeiningar um skammtastærð eru í töflunni hér fyrir neðan. Stærð liða Dæmi Skammtur Stórir Hné Ökkli Öxl 0,5 – 2 ml (20-80 mg) Meðalstórir Olnbogi Úlnliður 0,25 -1 ml (10-40 mg) Litlir Hnúaliðir Fingurliðir Liðamót bringubeins og viðbeins Axlarhyrnuliður 0,1-0,25 ml (4-10 mg) 2 Sinarhlaupbelgur (ganglion), sinarbólga, gnípubólga (epicondylitis), belgbólga (bursitis) Skammtastærð fer eftir því ástandi sem á að meðhöndla og er á bilinu 0,1-0,75 ml (4-30 mg). Nauðsynlegt getur verið að gefa endurtekna skammta ef ástand er langvinnt eða tekur sig upp á ný. Húðkvillar Húðskemmdir eru hreinsaðar með sótthreinsandi efni og 0,5 ml-1,5 ml (20-60 mg) sprautað í þær. Nauðsynlegt getur verið að skipta skammtinum í 0,5-1 ml (20-40 mg Lestu allt skjalið