Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Mesalazinum INN
Tillotts Pharma AB
A07EC02
Mesalazinum
500 mg
Endaþarmsstíll
(R) Lyfseðilsskylt
164871 Þynnupakkning
Markaðsleyfi útgefið
1999-12-06
1 FYLGISEÐILL: UPPLÝSINGAR FYRIR NOTANDA LYFSINS ASACOL 500 MG ENDAÞARMSSTÍLAR mesalazín LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ. Í HONUM ERU MIKILVÆGAR UPPLÝSINGAR. - Geymið fylgiseðilinn. Nauðsynlegt getur verið að lesa hann síðar. - Leitið til læknisins, lyfjafræðings eða hjúkrunarfræðingsins ef þörf er á frekari upplýsingum. - Þessu lyfi hefur verið ávísað til persónulegra nota. Ekki má gefa það öðrum. Það getur valdið þeim skaða, jafnvel þótt um sömu sjúkdómseinkenni sé að ræða. - Látið lækninn, lyfjafræðing eða hjúkrunarfræðinginn vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í FYLGISEÐLINUM ERU EFTIRFARANDI KAFLAR : 1. Upplýsingar um Asacol og við hverju það er notað 2. Áður en byrjað er að nota Asacol 3. Hvernig nota á Asacol 4. Hugsanlegar aukaverkanir 5. Hvernig geyma á Asacol 6. Pakkningar og aðrar upplýsingar 1. UPPLÝSINGAR UM ASACOL OG VIÐ HVERJU ÞAÐ ER NOTAÐ Asacol inniheldur virka efnið mesalazín, sem er bólgueyðandi lyf notað við langvinnri, blæðandi bólgu í ristli og endaþarmi. Leitið til læknis ef sjúkdómseinkenni versna eða lagast ekki. 2. ÁÐUR EN BYRJAÐ ER AÐ NOTA ASACOL Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð. EKKI MÁ NOTA ASACOL • ef um er að ræða ofnæmi fyrir mesalazíni eða einhverju öðru innihaldsefni lyfsins (talin upp í kafla 6). • ef þú ert með ofnæmi fyrir salicýlötum (t.d. asetýlsalisýlsýru). • ef þú ert með alvarlegan lifrarsjúkdóm. • ef þú ert með alvarlegan nýrnasjúkdóm. VARNAÐARORÐ OG VARÚÐARREGLUR Leitið ráða hjá lækninum eða lyfjafræðingi áður en Asacol er notað ef þú ert með einhverja kvilla eða sjúkdóma, einkum ef þú: - er Lestu allt skjalið
1 SAMANTEKT Á EIGINLEIKUM LYFS 1. HEITI LYFS Asacol 500 mg stílar. 2. INNIHALDSLÝSING Hver stíll inniheldur 500 mg af mesalazíni. Sjá lista yfir öll hjálparefni í kafla 6.1. 3. LYFJAFORM Stílar. Útlit: Ljósgrábrúnir, fleyglaga. 4. KLÍNÍSKAR UPPLÝSINGAR 4.1 ÁBENDINGAR Lyfið er ætlað fullorðnum til meðferðar við vægri eða miðlungi alvarlegri endaþarmsbólgu með sárum og endaþarms- og bugaristilbólgu. 4.2 SKAMMTAR OG LYFJAGJÖF Skammtar _Fullorðnir_ : 500 mg 3 svar á dag. _Aldraðir_ : Ekki er þörf á lækkun skammta. Sjá kafla 4.4. _Börn _ Lítil reynsla er af notkun lyfsins hjá börnum og upplýsingar um verkun þess takmarkaðar. Lyfjagjöf Til notkunar í endaþarm. Mælt er með hægðalosun rétt áður en stíll er gefinn. Stílnum er stungið eins langt og hægt er inn í endaþarminn. Halda á lyfinu í þörmunum eins lengi og kostur er, til að tryggja að lækningalegur skammtur náist. Við alvarlegan og útbreiddan sjúkdóm og ef svörun við lyfi til inntöku er hæg, er hægt að nota stílana ásamt töflum. 4.3 FRÁBENDINGAR Ofnæmi fyrir virka efninu eða einhverju hjálparefnanna sem talin eru upp í kafla 6.1. Þekkt ofnæmi fyrir salicylötum. Alvarleg skerðing á lifrarstarfsemi. Alvarleg skerðing á nýrnastarfsemi (GFR <30 ml/mín/1,73 m 2 ). 4.4 SÉRSTÖK VARNAÐARORÐ OG VARÚÐARREGLUR VIÐ NOTKUN Skert nýrnastarfsemi Áður en meðferð er hafin og meðan á henni stendur skal rannsaka kreatínín í sermi og ástand þvags (þvagstrimlar), samkvæmt ákvörðun læknis sem stjórnar meðferðinni. Gæta skal varúðar hjá 2 sjúklingum með hækkað kreatínín í sermi eða próteinmigu. Ef vart verður við skerðingu á nýrnastarfsemi meðan á meðferð stendur skal kanna hvort hún geti stafað af nýrnaeitrun af völdum mesalazíns. Til viðmiðunar er mælt með að gera rannsóknir 14 dögum eftir að meðferð hefst og síðan á 4 vikna fresti næstu 12 vikurnar. Stuttur tími milli rannsókna fyrst eftir að meðferð með Asacol Lestu allt skjalið